Auqat (Poetry)

POETRY
Auqat (Poetry)

beth jata hun
mitti pe aksar..
kyun ke mujhe apni
auqat achi lagti hai..

maine..
samandar se
seekha hai jeenay
ka saliqa..
chup chap se
behna..
aur apni mauj
mai rehna..

aesa nahi hai ke
mujh mai koi aeb
nahi hai..
par sach kehta hun..
mujh mai koi
faraib nahi hai..

jal jatay hain 
meray andaz se
meray dushman..
kyun ke ek
mud-dat se maine..

na mohabbat
badli..
aur na dost
badlay..

ek ghari khareed
kar hath mai kya 
bandh-li..
waqt peechay hii
parh gaya meray..

sochta tha..
ghar bana kar
rahunga sukun se..
par ghar ki
zarurton ne
musafir bana dala..

sukun ki baat
mat kar ae ghalib...
bachpan wala itwar
ab nahi ata..

shouq tou
maa baap ke paison
se puraay hotay
hain..

apnay paison se
tou bas..
zarutain hii puri
ho-pati hain..

zindagi ki 
bhag daur mai..

kyun waqt ke sath
rangat kho jati
hai..
hansti, khelti,
zindagi bhi aam
hojati hai..

ek sawera tha jab
hans ke uthtay thay 
hum..

aur aaj..
kai baar..
bina muskurae hii
shaam hojati hai..

kitnay durr
nikal gye..
rishton ko
nibhatay nibhatay..
khud ko kho diya
hum ne...
apnon ko
paatay paatay..

log kehtay hain..
hum muskuratay
bohat hain..
aur hum
thak gye..
dard ko
chupatay chupatay..

khush hun..
aur sab ko
khush rakhnay ki
koshish karta hun..

laaparwa hun..
phir bhi sab ki
parwa karta hun..
maloom hai..
koi mol nahi
mera..

phirr bhi..
kuch anmol logon
se..
rishtay rakhta
hun..

beth jata hun
mitti pe aksar..
kyun ke mujhe apni
auqat achi lagti hai..

Post a Comment

0 Comments