Jab koi chala jata hai na (Poetry)

Jab koi chala jata hai na...



jab koi chala jata hai, to wo chala gya!
usko rokne ka, ya usko wapas bulaane ka koi faayda nhi.

wo chala ggya matlb,
uske liye tumhari value nhi rahi.
ya, use koi or valuable mil gya.

lekin ek baat to bilkul saaf hai na.
ki ab usko tumhari jrurat nhi.
or bina jrurat ke kisi ki jrurat banna,
faaltu hai uske liye.

Isliy, roko mat, jaane do,
kuki usme ab tum nhi, koi or hai.
or rokk bhi liya,
kya faayda,
jab usme koi or hai.

kabhi kabhi hum sahi ko bhi galat samjhte hai.
or kabhi kabhi, jo galat hota hai, usko apne hisaab se sahi.
or realtionships me aksar yhi hota hai.
apne aap ko hi sach se door rakhte hai.
taaki ye relationship thoda or chal jaaye.

lekin wahi time tumhe sabse jyda hurt krta hai.
jab tumhe rukna hota hai, lekin rukte nhi.

kisi chij ko jitna uljhaoge na, utna hi ulajhte jaoge.
taaste hote hai, manjile bhi hoti hai.
lekin buss dikhaayi nhi deti.
kuki hum dekhna nhi chahte.

haan maanta hu...
ek aise insaan ko chodna,
jiske sath sabse jyda waqt bitaya ho,
jisse tumne pyar kiya ho, asaan nhi hota.

aise insaan ke liye, jiski manjile tumse alag hai,
jiske raaste ab tumse alag hai,
jo tumhari tarah kisi or se pyar krta hai,
uske liye bhi to asaan nhi hai na.

haan usne tumse waade kiye the,
hain na? yaad honge tumhe...
sapne dikhaaye tumhe, or haqikat kisi or ko bana liya,
kiraaye par rahe tumhare paas, or apna ghar kahi or bana liya,

itna mat socho.
buss ek baat jaan lo...
wo chala gaya,
or jo chala jata hai na,
usko rokne ka ya wapas bulaane ka koi faayda nhi..

zindagi kisi ke aane se ya kisi ke chale jaane se nhi rukti,
lekin tumhare chale jaane se jrur rukk jati hai.
isliy apnne liye jiyo. jo tumhare liye jeete hai na,
unke liye jiyo.

kuki ye waqt kabhi teharta nhi,
teharti hai to buss,
yaadien..

Post a Comment

0 Comments