Phir Kabhi Nahi Milunga Tumse(Poetry)

Phir Kabhi Nahi Milunga Tumse
By Abhash Jha

Tumhe aaj kal zara bhi bhyan nahi aata?
main kis haal mein hoon iss baat ka
bilkul khayal nahi aata?

Mujhe nai acha lagta aise rozz-rozz tumhe
yaad karke tum jee lo apni zindagi khushi se
bas ek baar mujhe aazaad karke

woh message seen karke tumhara
jawab na dena
sach mein bohot dard deta hai
mujhe bura nahi lagna chahiye par phir bhi
kisi aur ke saath dekh ke tumhe
bura toh mehsoos hota hai

main milne ko betaab baitha hoon par tum
kooi aawaaz hi nahi deti
pehle ki tarah pesh aao na!
haan ya na tum kuch bhi
jawab kyun nahi deti

phone mein tumhari tasveer dekh ke
waqt guzaata hoon
tum nahi ho aas paas main pagalon ki tarah
phir bhi tumhara naam hi pukaarta hoon

uss gali se rozz guzarta hoon
jahan tum pehle raha karti thi yaar

iss ummeed mein kahin dikh jao toh tumse
mil toh paun ek baar


tumhara no. main phone se kabka
delete kar chuka hoon
par dil se mit'ta hi nahin
woh samjhaate rehte hain tumhe chodh
zindagi mein aage badhne ko
tumhare saamne unka kehna zyada der
tikta hi nahi

main tumhe tumhare saamne
bataana chahta hoon that i miss you
ab nahi raha jaata tumhare bina
tumse kahoon bhi toh kaise kahoon
mujhse koi galti huyi hogi
maine kuch theek nahi kiya hoga
toh batao na, saath mein baithke suljha lete hain

ita door bhi mat jao na mujhse
dard hota hai
chalo na woh saare shikve ho bhi toh
bhula lete hain

mere saath koi ittafaq bhi toh nahi hote
subah ke sapne sab kehte hain
sach ho jaate hain
mere khwaab kyun nahi hote?

koi aur mil gaya hai kya? sahi hai
accha hi hai jo mere jaisa nahi hai

kyunki tumhe toh zyada pyar ki
aadat nahi hai na
aur main khamakha tumhare liye pagal hu
poori duniya chodh rakhi hai maine
khud se bhi rooth hoon 
ek tumhari yaad ne jodh rakha hai bas
andar se toh saara toota hoon

ek baar milne mein harz kya hai
bas ek baar hi toh milna hai
tumhari aankhon mein apna chehra
dekhna chahta hoon
bas itna sa hi toh karna hai

phir dobaara kabhi zikra nahi karunga tumhara
dil aur dimag se bhi nikaal dunga poori tarah se
chala jaunga door, bahot door
phir kabhi nahi milunga tumse
kabhi nahi milunga tumse


Thanks for reading!!

Post a Comment

0 Comments